Na Nafda Hindi
Serikali ya Mapinduzi ya Zanzibar imeombwa kudhibiti
hali ya mporomoko wa maaadili inayoathiri Mila,Silka na Utamaduni wa Mzanzibar.
Hayo yamebainika wakati wa kongamano la kuporomoka
kwa maadili lililoandaliwa na MadrasatAnnour Hayaat Saadat Addaarayn
liliofanyika katika ukumbi wa Sheikh Idrisa Abdulwakil Kikwajuni Wilaya ya
Mjini Unguja. Wakichangia katika kongamano hilo wananchi wamesema Serikali ina
nafasi kubwa ya kuzuia mambo machafu yanayoendelea kufanyika katika kisiwa cha Zanzibar
endapo sheria zilizowekwa zitatekelezwa kwa vitendo.
“Sisi wananchi tunakemea machafu yanayofanywa katika
mitaa yetu kama vile madanguro,ulevi, uvaaji wa nguo zisizo za stara ila
hatuoni hatua zinazochukuliwa ndio maana watoto wetu wanaharibika kwa kuona
hadharani yanayofanywa,” waalisema wachangiaji hao.
Aliongezea kwa kusema wakati wa Uongozi wa Hayati Karume
ambae alikuwa Rais wa awamu ya kwanza wa Zanzibar sheria ziliktekelezwa kwa
vitendo na wananchi walikuwa si rahisi kuvunja sheria ovyo ovyo.
“Tulikuwa tunaona hata wageni wakiingia Zanzibar wakipewa
nguo wajistiri ili kuendana na mazingira halisi ya wazawa na hata wachezaji wa
mpira walikuwa hawaruhusiwi kuvaa suruwali fupi(bukta) hadharani na lilikuwa ni
kosa kisheria wanabeba kwenye mkoba na kuvalia Uwanjani,” walisisitiza.
Mapema Naibu Spika wa Baraza la Wawakilishi Zanzibar
Mh Mgeni Hassan Juma amesema malezi ya pamoja yanahitajika pamoja na kufuata
miongozo ya dini ili kuondokana na mambo machafu na kuwa na taifa bora.
Naibu huyo alisema licha ya serikali kulisimamia
suala hilo kwa nguvu zote na kufanya marekebisho ya sheria mbalimbali lakini
bado kumekuwa na mporomoko mkubwa wa maadili hivyo ni vyema kurudi kwa Allah na
kufuata miongozo yake ili kuwa na mustakabal mzuri wa jamii.
“ Hivi sasa jamii imekumbwa na mporomoko mkubwa wa maadili
ikiwemo vitendo vya udhalilishaji na mapenzi ya jinsia moja, hivyo mashirikiano
ya pamoja na kufuata miongozo ya dini itasaidia kujenga taifa bora,”alisema.
Nae Mkurugenzi Mtendaji kutoka Madrasat Annour Hayaat
Saadat Addaarayn, Ukht Saada Mohamed, alisema lengo la kongamano hilo ni kuibua
hisia za waislamu na jamii kwa ujumla wanaoguswa na mporomoko wa maadili kupaza
sauti zao na kushirikiana kwa pamoja ili kukomesha matukio hayo.
Akiwasilishamada katika kongamano hilo mwakilishi kutoka
UKWEM, Wanje Haji Gora amesema mporomoko wa maadili unachangiwa na mambo kadhaa
yakiwemo wazazi kutokuwa na muda na watoto wao,muhali,ongezeko la
talaka,utandawazi na kuiga mambo yanayokwenda kinyume na Utamaduni wa Mzanzibar.
Ofisa Kutoka Chama Cha Waandishi wa Habari Wanawake
Tanzania (TAMWA-ZNZ) Zaina Abdalla Mzee , alisisitiza jamii kusoma zaidi ili
kupata uelewa juu ya njia sahihi ya kulea watoto katika maadili mema.
Alisema kwa mujibu wa utafiti mdogo uliofanya na
taasisi hiyo hivi karibuni katika masuala ya udhalilishaji ulibaini kwamba watu
wa karibu ikiwemo baba, mjomba na wengine wanaongoza kufanya vitendo hivyo kwa
kiasi kikubwa.
Nae mwakilishi kutoka Chama cha wanasheria wanawake ZAFELA
Hamisa Mmanga amesema Zanzibar inaongoza kwa kuwa na sheria nyingi na nzuri ila
tatizo linakuja kwenye utekelezajin wa sheria hizo kivitendo.
“Sheria ya kumlinda mtoto Zanzibar (2011),sheria hii
imepata tunzo ya kimataifa lakini ipo kinadhariatu,”alisema.
Kongamano hilo liliambatana na dua ya kuiombea nchi liliandaliwa
na Madrasat Annour Hayaat Saadat Addaarayn iliopo Kikwajuni.
0 Comments