Baadhi ya Waandishi wa Habari Wakiwa katika mafunzo kwa vitendo kwenye mafunzo ya siku tano ya kuwajengea uwezo juu ya kuripoti habari zitakazosaidia upatikanaji wa maendeleo ya kimichezo kwa wanawake
Na
Najjat Omar, Zanzibar:
Utafiti wa Taasis ya Wanawake kwenye michezo nchini
Marekani (Women’s Sport Foundation) inaonesha kwamba wasichana ambao wana
umri wa miaka 14 huacha kuendelea kwa michezo ikiwa tofauti na wavulana kwenye
umri huo huo kuendelea kwenye michezo.
Utafiti huo unaonesha kuwa hamasa katika familia
inakosekana ndio sababu kubwa ya wasichana kuacha michezo huku karibu wasichana
milioni 1.3 hushiriki michezo wakiwa skuli kati ya umri wa miaka 5 hadi 13.
Huku kati hao milioni 1.3 ni asilimia 43 tu ndio
huanza michezo wakiwa skuli na kujiona wanamichezo, asilimia 68 wanakuwa na
hofu ya kuhukumiwa kuwa kwenye michezo,asilimia 61 wanakuwa na hofu ya kuwa na
ujasiri ,huku asilimia 47 wakipata msukumo wa kuendelea na masomo ya skuli na
asilimia 43 wanahisi hawako salama kushiriki kwenye michezo.
Malengo ya Maendeleo Endelevu (SDGs) ambayo ni
17 huku lengo namba 5 linazungumzia “Usawa wa Jinsia” hii ikawa na maana
kufanikisha usawa wa jinsia na kuwawezesha wanawake na wasichana wote.
Utafiti uliofanywa na Shirika la Maendeleo la
Ujerumani ulifanyika June 2023 hapa Zanzibar unaonesha kuwa kuna vikwazo
vinavyorudisha nyuma wanawake na wasichana kushiriki kwenye michezo ni kutokana
na dhana potofu,uhamasishaji mdogo,mtazamano wa kidini pamoja na ushirikishwaji
wa jamii kwenye hili.
Chama cha Waandishi wa Habari Wanawake Zanzibar
-TAMWA -Z kimewakutanisha waandishi wa Habari 20 ambao wanafanya kazi katika
radio za jamii, magazeti,mitandao pamoja na vyombo vya habari vilivyopo mjini
kuwapatia mafunzo ili kuweza kuwawesha waandishi kuandika habari za jinsia
kwenye maendeleo ya kimichezo .Akizungumza juu ya mafunzo haya Afisa Mradi wa
Masuala ya Jinsia na Michezo -Khairat Haji amesema mafunzo haya ya masuala ya
Michezo na jinsia ni mafunzo maalum ambayo yatawezesha waandishi wa habari
kuandika na kuripoti habari zinazohusu masuala ya michezo “Waandishi wanaandike
na wahamasishe wanawake na wasichana juu ya kushiriki kwenye michezo yote na
kusiwe na utofauti wa masuala ya michezo kwa upande wa wanawake kuwekwa nyuma
na kutokuzungumziwa” Amesema Khairat.
Makame Amir Mgeni ni Mwalimu na Mtalaam wa masuala
ya michezo wa amekutana pia na waandishi hao wa habari na ambao wapo kwenye
mafunzo hayo na kutoa uzoefu wake juu ya kuwa mwalimu kwenye michezo
amesema bado jamii ina mawazo ya kuwa wanawake na wasichana hawawezi
kushiriki kwenye michezo kwa sababu ya maumbile “Ni lazima wakati mkiwa
mnaandika basi muandike kwa kuonesha faida zaidi zinazopatikana katika michezo
zaidi na sio mapungufu yake kwani kutokuonesha faida kunaweza kuendelea
kuwarudisha nyuma wasichana kujiunga kwenye michezo”.Amesema Makame wakati
akizungumza na waandishi wa habari.
Waandishi hao ambao wamekaa siku tano katika mafunzo
yaliyojikita kwenye masuala ya Michezo na jinsia kwa kuangalia zaidi michezo na
maendeleo endelevu,Hawra Shamte ni mwandishi mkongwe ambaye alikuwa
mkufunzi kwenye mafunzo hayo amesema waandishi wanajukumu la kuandika
changamoto zinawakatisha tamaa wasichana kuingia kwenye michezo “Wapo wasichana
wengi wenye ndoto za kuwa kama Serena Williams ila ndoto zao zinakatishwa kwa
sababu ya dhana na imani za kidini pia “ Ameendelea kusema kuwa ushirikishwaji
wa kijinsia hauhusiani na masuala jinsia ila inahusiana na uthubutu na
ushirikishwaji.
Donisia Thomas ni mwaandishi wa habari za michezo
ambaye ni mmoja wa washiriki katika mafunzo haya amesema bado jamii inaamini
masuala ya michezo ni uhuni na elimu zaidi inatakiwa kutolewa “Dhana ya uhuni
sio tu kwa wasichana wanaoshiriki bali hata kwa waandishi wa habari wanawake
pia wanafikiriwa kuwa ni wahuni kitu ambacho kinarudisha nyuma”Amesema Donisia.
Wadau wengine ambao wapo kwenye mradi huu ni pamoja
na Jumuiya ya wanasheria wanawake Zanzibar – ZAFELA,Kituo cha Majadiliano ya
Vijana -CYD na Chama cha Waandishi wa Habari wanawake Zanzibar – TAMWA -Z
mradii huu wa mwaka mmoja umefadhiliwa na Serikali ya Ujerumani kwa
mashirikiano ya Serikali ya Mapinduzi ya Zanzibar.
0 Comments